GENSAN – Nakamata na matud pa ang overseas Filipino Worker (OFW) nga na-comatose sa ospital human nga nahulog matud pa sa hagdanan sa balay sa iyang amo sa Saudi Arabia.
Kini ang nadawat nga impormasyon sa Bombo Radyo GenSan bandang alas 10:00 sa gabie, oras sa Pilipinas gikan kay Vangie, higalang OFW sa biktima nga si Veronica Benarao, taga Fatima ning syudad.
Pagsaysay ni Vangie, stable na matud pa ang kondisyon sa kababayan human ang pipila ka adlaw nga nahimong kritikal sa tambalanan luyo nga dili pa makaistorya tungod aduna pay nakatapot nga mga aparatos sa lawas og sa baba niini.
Nasayran nga basi sa nadawat nga impormasyon sa mga anak nga ang ilang inahan ang giatake sa sakit nga high blood samtang gahinlo sa hagdanan hinungdan nga nahulog.
Apan duda ang mga anak nga basin gitulak sa kauban sa balay nga Pinay DH ang ilang inahan nga matud pa nakalalis niiini.
Apan sa pakighinabi sa Bombo Radyo pinaagi sa video call, hugot nga gipanghimakak ni Elvira, taga Isabela ang maong alegasyon.
Gani, giangkon nga sakit ang iyang buot nga pasanginlan siya sa nahitabo kay Benarao lakip nga gipasanginlan na mao matud pay nag hilabot sa mga alahas og gamit ni Benarao.
Nalipay si Elvira nga nakamata na si Benarao aron mapaklaro ang panghitabo og malimpyo ang iyang pangalan.
Kahibaluan nga muoliay na unta ang maong OFW apan wala nadayun tungod sa nahitabo.
Gani ang bana nga usa ka seaman ang muoli sa nasud og muadto matud pa sa Saudi aron asikasuhon ang asawa
