GENERAL SANTOS CITY – Pulos patay ang duha ka suspek pagpatay kang Sr. Insp Hernan Gabat human misukol sa kapulisan.
Gikumpirma ni South Cotabato Provincial Director Sr. Supt. Nestor Salcedo nga nagpahigayon ug one time bigtime operation ang kapulisan kaganihang kaadlawom sa lima ka barangay sa Polomolok, South Cotabato.
Giila niini ang duha nga silang Ruben Porsuelo ug Mario Jamila Fuentez pulos molopyo sa Poblacion, Polomolok.
Matud ni Salcedo nga igo lamang midepenasa ang kapulisan luyo nga pulos armado ug 38 revolver ang duruha.
Gawas niini nakuhaan ug mukapin napulo ka sachet si Jamila ug drug paraphernalia.
Nagpagawas matud pa ug 124 ka Search Warrant si RTC 16 Judge Alandrex Betoya sa Kabacan North Cotabato alang sa 34 ka mga suspek nga nagpuyo sa lima ka Barangay sa Polomolok sa pagsupak sa RA 9165 Comprehensive dangerous Drugs act of 2002 ug RA 9516 Law on Explosive.
Gilayon usab gipangdala sa Kapulisan ang nasakpang naghupot ug explosibu, granada ug druga sa Koronadal, South Cotabato.
