GENERAL SANTOS CITY – Nagpahimangno ang taga-Pagasa ug Office of Civil Defense 12 ngadto sa publiko, alang sa posibleng mga epekto nga dala ni Bagyong Basyang nga posible matud pang magpabilin sa nasud hangtod sa Huwebes.
Kini luyo nga trough (traf) lamang ang gilaumang masinatian sa SOCCSKSARGEN Region, gumikan posible gihapon matud pang may mahitabo nga mga flashfloods ug landslide, hilabi na nga nakasinati na ug mga pag-ulan-ulan, partikular na kagahapon sa hapon hangtod sa gabii.
Hinungdan nga naka-blue alert status karon ang OCD-12, kung asa gimanduan ang mga city ug municipal disaster risk reduction offices nga pangandaman gihapon ang mga epekto nga hatod sa Bagyong Basyang.
Giabisuhan usab ang mga gagmay’ng mananagat nga dili una maglayag, hilabi na nga dagko ang mga balod tungod gihapon sa nasampit nga maot sa panahon.
