GENERAL SANTOS CITY – Gidayeg ni Judith Janiola sa City Population Management Office, ang nahimong lakang ni Pangulong Rodrigo Duterte, nga repatriation alang sa mga OFWs sa Kuwait nga gusto nang muuli.
Sumala pa nga nagpakita lamang kini nga ginahuna-huna gayud sa pangulo ang kaayuhan sa mga kababayan sa nasampit nga nasud, hilabi na kadtong mga nag-antos ug nakasinati ug pagpangabuso, luyo nga mahimo usab nga magpabilin kadtong maayo ang sitwasyon ug natunong sa maayong amo.
Samtang, kalabot sa pagpatay sa usa ka OFW nga si Joanna Demafelis nga gisulod sa freezer, gibutyag ni Janiola nga sakit gayud huna-hunaon isip usa ka kanhing OFW, ang nahitabo sa nahisgutan, hilabi na sa pamilya niini.
Sumala pa nga kaniadtong nahimong OFW, usa sa iyang mga handum nga nanghinaot nga kon mularga isip usa ka pasahero, muuli usab nga usa ka pasahero ug dili usa ka bagahe kon patay na.
Samtang, giawhag usab niini ang mga OFW ug planong magtrabaho sa gawas sa nasu nga mas maayong mag-explore sa ubang nasud gumikan dili lang sa Kuwait mahimong magtrabaho.
