GENERAL SANTOS CITY – Bastante pa suplay sa bugas sa National Food Authority kon NFA sa Rehiyon 12.
Kini ang gibutyag sa Bombo Radyo ni Provincial Manager Dionesio Hectin, may kalabutan sa taho nga gipaundang una sa NFA ang mga accredited outlets sa pagpamaligya ug bugas.
Sumala pa nga magdepende kini sa suplay sa bugas sa matag rehiyon, kung asa dinhi sa SOCCSKSARGEN, paigo matud pa ug gibanabanaang mulungtad pa hangtod sa Marso.
Dungan niini, gibutyag usab ni Hectin nga bastante pa ang suplay sa commercial rice sa nasud.
Samtang, giangkon usab niini nga dugay nang walay gabaligya ug humay sa NFA-GenSan, luyo nga able sila alang sa mga mag-uuma nga magbaligya ug humay, gumikan barato ang presyo nga P17, itandi sa mga mamalitay sa gawas nga P20.
Hinungdan nga gasalig matud pa sila karon sa importations. Ug gani, aduna matud pay kasamtangang ginaproseso nga bugas gikan sa gawas sa nasud nga dinhi sa dakbayan idunggo.
Kon ma-award na, gilayon matud pa kining maadto sa ilang bodega ug madugangan na usab ang ilang pondo nga mapalit gihapon sa P27.00 matag kilo.
