GENERAL SANTOS CITY – Gikalipay pag-ayo ni Kagawad Lucio Cawayan ang nahimong mainitong pagdawat kaniya sa Sangguniang Panglungsod.
Dungan kini sa labing unang pagtambong niya sa sesyon, isip Indigenous Peoples Mandatory Representantive sa konseho.
Sumala pa nga mapasalamaton siya gumikan suportado sa GenSan City Council ang iyang mga plano kalabutan sa pagpatukod sa kasfala hall, census sa mga Blaan, scholarship ug ang livelihood projects alang sa kalambuan sa iyang tribo.
Una nang giangkon ni Kag. Cawayan nga usa sa iyang gikahinaman sa paglingkod sa pwesto gumikan makauban niya sa trabaho ang iyang kanhi-magtutudlo sa high school nga si Kagawad Lourdes Casabuena.
Kahibaluan nga dungan sa mismong unang adlaw sa pagtambong sa sesyon sa SP, gilayon siyang nagpahigayon ug privilege speech.
