GENERAL SANTOS CITY – Gipailawom na sa Blue alert ang unom ka munisipyo sa probinsya sa Sarangani sa posibleng paghapak sa dagkong balud ug pag=-igo sa storm surge nga gibanabanaang adunay gitas-on nga napulo ka tiil.
Matud ni Robert Lobonting sa Provincial Disaster Risk Reduction Management Center nga wala na gitugtan pa nga makapalawod ang mga mananagat samtang gipaabut ang pag-igo sa ulo sa Tropical Storm Vinta karong adlawa didto sa Davao Oriental.
Matud niini nga hilabihan kaduol ang Sarangani bay sa bagyo hinungdan nga gipaalerto ang sarangani Recue 117 nga konektado usab sa pito ka Municipal Disaster Risk Reduction management Office.
Nakaalerto usab ang mga municipal hospital lakip sa mga rescue worker sa posebling emergency situation kung muigo na ang tropical storm.
Kahinumduman nga mukapin sa tres syentos kapin ka mananagat sa Sarangani ug General Santos ang nabiktima sa pag-igo sa bagyo sa Davao Oriental miaging tuig.
