GENERAL SANTOS CITY – Gaatubang sa korte sa mga kaso nga gikalambigitan sa kompanya ang posibleng hinungdan ang manager sa dressing plant sa manok sa Polomolok, South Cotabato.
Kini ang bag-ong impormasyon nga nakalap sa kapulisan sa padayong gihimong imbestigasyon nga maoy gitutukan nga anggulo sa krimen.
Hinungdan nga gipasalig sa kapulisan nga himuon ang tanang makaya aron mahatagan ug hustisya ang biktima nga si Sammy Escolano 35, may asawa.
Nasayran nga naangin sa pagpamusil og parehong nasamaran ang duha ka kaubanan sa biktima sa ilang panimalay nga silang Glory Demiren, 47 anyos og Loraine Demiren, 20 anyos.
Una ng gibutyag sa mga silingan nga gisulod sa upat ka wala mailhing lalaki ang balay sa biktima og gipaulanan ug bala asa M16 ug caliber 45 pistol ang balay sa biktima.
Narekober ang 15 ka mga bala sa M16 og unom ka bala sa caliber 45 pistol.
Pagkakaron may kalabutan sa trabaho sa biktima ang gitutukang anggulo sa kapulisan luyo nga wala gipadaplin ang uban pang anggulo.
Kahibaluan nga si Escolano ang ika 40 nga biktima sa pagpamusil sa Polomolok ning tuiga.
