GENERAL SANTOS CITY – Nakigpinusilay pa ang number one most wanted sa listahan sa Tinagacan Police Station dihang dakpon na unta gamit ang warrant of arrest.
Kini ang gibutyag sa ni Police Senior Inspector Roel Abejero, hepe sa nasampit nga presinto, nga maoy nanguna sa action, Miyerkules sa gabii, dihang gigukod ang nagpangalan ug Redin Moreno alias IKI .
Pag-abut matud pa nila sa Purok 5 sa Batomelong kalit nga migawas gikan sa videokihan ang suspek ug namusil gamit ang bitbit nga caliber 45 pistol hinungdan nga naigo ang ilang patrol car.
Samtang nagdagan pahilayo ang suspek nakahimo pa kini pagpusil pag-usab ug naigo sa dughan si Abejero ug nalapsan ang magazine sa armalite rifle nga nahimutang sa iyang dughan.
Gipakasama pa niining ikaduhang kinabuhi tungod wala mulahos ang bala gumikan sa sul-ob niining vest proof.
Gisaysay pa sa opisyal nga hapit pa mahulog sa lalom nga bangin ang suspek dihang ila kining naabtan nga wala nay kinabuhi.
Gilayon nga gidala sa usa ka punerarya ang patay nga lawas ni Moreno luyo nga wala pay mikuha nga tagtungod.
