GENERAL SANTOS CITY – Otomatikong muhulip isip acting mayor sa Maasim, Sarangani si Vice Mayor Uttoh Salem Cutan kang Mayor Aniceto ‘Jojo’ Lopez Jr.
Kini ang gibutyag sa Bombo Radyo ni Flor Limpin, DILG-Sarangani provincial director, subay sa balaod, human mabakante ang pwesto ni Lopez, human nga pormal na’ng nakasuhan kagahapong adlawa ug pagsupak sa RA 9165 o Comprehensive Dangerous Drugs Act of 2002, RA 10591 kon Comprehensive Law on Firearms and Ammunition, ug RA 9516 o Illegal Possession of Firearms and Explosives.
Gumikan kini sa narekober nag usa ka kilo sa suspected shabu nga nagkantidad ug P5milyon, ecstasy, small kitchen shabu laboratory, duha ka rifle grenade launcher, duha ka granada ug duha ka caliber .45 pistol, dihang gi-raid ang rest house niini kaniadtong Biyernes.
Sa karon gipaabot na lang ang schedule alang sa pag-take-oath ni Cutan, alang sa pormalidad sa iyang temporaryong paghulip sa pwesto kang Mayor Lopez.
