GENERAL SANTOS CITY – Giawhag ni Senador Manny Pacquiao ang tanang nagtuo nga siya gyud ang midaug sa away og dili Jeff Horn nga dili ma’discourage’.
Kahibaluan nga dihang patake-off na ang eroplano gikan sa airport sa Brisbane Australia, eksklusibong nahinabi sa Bombo Radyo ang Pinoy ring icon.
Sumala pa sa nasampit, kabahin sa dula ang mapildi og wala usab niya gusto ang nahitabo.
Nagpasalamat ang fighter senator sa tanang misuporta og nag-ampo para kaniya.
Una nang giangkon ni Pacman nga dismayado sa resulta sa engkwentro. Gihingusgan niini nga na-set up siya sa engwentro kon asa one-sided ang mga judges pabor kay Horn gawas pa nga ang referee ang daw dili eksperyensyado.
Bisan ang mg tawo nga mag-boksing ang nakabalo nga siya ang daug.
Kahibaluan nga wala nay presscon og motorcade nga natigayon sa paghidangat kagahapon ni Pacman sa GenSan.
Apan, luyo niini daghang tao ang misugat kaniya sa GenSan Airport og gihatagan ug arrival honors sa kapulisan.
Pagnaug sa eroplano, wala nagpa-interview sa media og pipila ka minuto lang nakig-selfie sa mga nigahin og oras sa paghulat kaniya.
Human magpakuha og hulagway, midiretso og sakay sa iyang sakyanan og wala sa float nga giandam kaniya .
Sa pakighinabi sa Bombo Radyo samtang tua pa sa Australia, gusto niyang makit-a gilayon ang iyang mga anak og magpahulay pag-uli sa dakbayan.
