-- ADVERTISEMENT --
GENERAL SANTOS CITY – Nanawagan si Lt. Rolando Lorenzana , ang labaw sa Philippine Coast Guard GenSan ngadto sa mga katawhan ilabina ang mga nanimuyo daplin sa dagat nga gilayong ireport sa mga otoridad ang mga kadudahang tawo nga muabot sa ilang lugar.
Matud pa sa maong opisyal, nagpabiling naka-full alert ang PCG sa kadagatan nga ilang sakop aron dili makasulod ang mga armadong tawo sa GenSan og Sarangani.
Kini human sa natigayon nga pagpangataki sa Maute group sa Marawi City.
Sa pahayag ni Lt. Lorenzana, dili angayang magkumpiyansa ang tanan sa posibilidad nga makaabot ang maong teroristang grupo sa dakbayan.
