GENERAL SANTOS CITY – Nagkaduol na usab ang pag-able sa klase sa umaabot nga Hunyo 5, Lunes.
Hinungdan nga nanawagan karon si Gensan DepEd Schools Division Supt Gildo Mosqueda ngadto sa mga ginikanan nga ipa-enroll ang ilang mga anak.
Sumala pa nga angayang dili na hulaton ang klase una magpa-enroll sa mga estudyante.
Matud pa ni Mosqueda nga sa mismong adlaw sa pagsugod sa klase, gilayon nang mag-lecture na ang mga magtutudlo.
Hinungdan nga kung may mag-enroll pa sa pagsugod sa klase, ma-disturbo ang klase.
Kini matud pa ang rason nganong adunay usa ka semana nga gigahin ang DepEd nga Brigada Eskwela nga magsugod na sa adlaw’ng Lunes, Marso 15 hangtod petsa 19, alang sa pagpanglimpyo sa mga lawak-tulunghaan ug sa palibot sa mga tulunghaan, aron nga pag-abot sa klase, dili na manglimpyo ang mga estudyante.
