GENERAL SANTOS CITY – Nagpadayon ang paggukod sa militar sa rebeldeng grupo sa Guerilla Front 71 sa New Peoples Army kini human ang natigayong engkwentro sa Brgy Pagasa Alabel Sarangani og boundery sa Little Baguio Malita Davao Occidental sa miaging adlaw.
Matud ni Lt . Daryl Cansancio, tigpamaba sa 73rd Infantry Batallion Philippine Army dili muobos sa napulo ang nakabayluanay ug buto sa pusil nga gipangunahan ni alias Dong.
Ang maong engkwentro ang milungtad ug 15 minuto.
Hinuon dili pa mkumpirma kon adunay nasamdan sa bahin sa NPA gawas lamang sa duha ka bag pack nga narekober sa encounter site kon asa adunay sulod nga mga subersibong dikumento.
Gibutyag ni Lt. Cansancio nga nakadawat sila ug report kalabot sa subli na usab nga pagpang-extort sa NPA sa lugar kon asa nagpadayon ang Special Area for Agricultural Development, usa ka programa sa gobyerno hinungdan nga giadtuan ang lugar nga niresulta sa engkwentro.
