GENERAL SANTOS CITY – Karon pa lamang gipaniguro na sa labaw sa General Santos City Police Office ang paghatag ug seguridad sa mga katawhan sa umaabot nga pagsaulog sa Semana Santa.
Matud ni PNP City Director Police Senior Supt. Maximo Layugan, gipreparahan na sa GSCPO ang Holy Week ilabina sa petsa Abril 13 og 14.
Sa sunod nga meeting ugma kauban na ang Joint Task Force GenSan og mga hintungdang ahensiya sa gobyerno, ilatag na ang security measures nga ipatuman.
Gani, sumala pa ni Layugan nga butangan og pulis og sundalo ang mga dagkong simbahan og mga establisiemento atol sa semana santa aron mamonitor ang kahapsay og kalinaw sa palibot sa dakbayan.
Samtang, posibleng hisgutan sa meeting kon kinsa na usab ang boluntaryong mualsa sa krus nga tradisyong ginahimo sa GSCPO matag Semana Santa.
