GENERAL SANTOS CITY – Nanumpa na kagahapon isip bag-ong Chairperson sa Regional Development Council (RDC)12 si Mayor Ronnel Rivera atubang kang RTC Branch 35 Executive Judge Oscar Noel Jr.
Sa unang higayon gipangunahan ni Rivera ang ika 57 nga regular meeting nga gipahigayon sa Family Country Hotel and Convention Center.
Gihisgutan ang nabakote nga nga hisgutanan sa kalambu-an sa rehiyon ug giaprubahan ang mga plano alang sa ipahigayon nga mga proyekto sa lugar.
Unang gibutyag ni National Economic and Development Authority (NEDA) 12 Regional Director Arturo Valerio nga ang pagbutang ug bag-ong chairperson ang basi sa kamandu-an ni Pangulong Rodrigo Duterte.
Basi sa Executive Order No. 325 series of 1996 kung ang chairman usa ka elected official kinahanglan ang co chair gikan sa pribadong sektor.
Una ang pagpili kang Rivera gipasumite una kini ug clearance sa Office of the Ombudsman, National Bureau of Investigation ug Sandiganbayan.
Si Valerio ang kanhi chairperson sa RDC XII hulip kang Mayor Darlene Antonino-Custodio .
