GENERAL SANTOS CITY – Matigayon karong adlawa ang closing ceremony sa 28th Kalilangan 2017 dinhi sa dakbayan kon asa pipila ka aktibidad ang giandam sa lokal nga panggamhanan.
Usa ka programa ang ipahigayon sa Oval Stage alas 4:00 sa hapon alang sa pagtapos sa maong kasaulogan. Apan una niini, ala 1:00 sa hapon, ipahigayon ang Kadsagayan Dan Street Dancing kung asa dli lamang taga GenSan, apan aduna usay musalmot gikan sa ubang dapit.
Magsugod kini sa Veranza og dayon muagi sa nag-unang kadalanan sa dakbayan ug muhunong sa Oval Plaza alang sa pormal nga kompetisyon.
Nasayran nga gipahigayon kaganihang kaadlawon ang ‘Parada ng Lahi’ nga nagsugod sa Queen Tuna Park. Kini alayun sa 78th founding anniversary sa GenSan.
Gisalmotan kini sa mga opisyales sa lokal nga panggamhanan, pipila ka mga personalidad sa mga institusyon ilabina ang mga kabanay sa mga nahimong pioneers sa GenSan.
Dungan sa parada ang Kapehan sa Kalilangan nga gipahigayon sa Pioneer Avenue.
Pagkahuman sa Closing ceremony, sugdan alas 9:00 sa gabie ang Disco sa kalye sa Pendatun og Roxas Avenue.
Una nang gibutyag ni City PNP Director Police Senior Supt. Maximo Layugan, labaw sa General Santos City Police Office nga hugot nga seguridad sa dakbayan ang ipatuman atol sa kasaulogan og dungan niini gihangyo ang kooperasyon sa mga katawhan aron mahimong hapsay ug malinawon agn closing ceremony.
