GENERAL SANTOS CITY – Mas palambuon pa sa lokal nga panggamhanan sa Alabel Sarangani ang transparency.
Kini ang gisiguro ni Vice Mayor Ronel Español kon asa gibutyag sa opisyal nga angayang abli sa mga katawhan sa Alabel ang tanang ginabuhat sa Sangguaniang Bayan.
Sumala pa, sa ilang data legislative information and tracking system, dinhi makit-an kung pila ka ordinansa ang nahimo sa mga konsehal lakip ang gi-isponsaran nga resolusyon.
Gumikan gibutang sila sa katawhan sa pwesto nila karon, angayan lamang nga mulihok.
Nasayran nga atol sa recess sa session sa Sangguniang Bayan(SB) sa Alabel kagahapon, nahisgutan ang kalabotan sa usa ka kagawad sa Brgy Poblacion, Alabel nga walay bisan usa ka resolusyon nga naduso sulod sa iyang pagpangatungdanan..
Nabulabog nga mihangyo ang maong kagawad sa kaubang kagawad nga may siyam ka resolusyon, aron pangayuon ang tulo niini aron dili siya ma-zero.
Nasayran nga gipasalamatan sa Sangguniang Bayan sa Alabel ang Bombo sa pagtuki kalabotan sa tranparency.
Kahimduman, usa ang SB-Alabel sa pinakauna nga naghatag og report kalabotan sa attendance sa session og mga nahimong resolusyon sa mga konsehal dihang gipangayuan sa sibyahanan.
