GENERAL SANTOS CITY – Andam na ang entablado sa Oval Plaza alang sa mga performance nga makit-an sa engrandeng opening ceremony sa Kalilangan 2017 sa dakbayan ning adlawa.
Sugdan ang selebrasyon og civic military parade sa hapon nga manukad sa SM mall padulong ngadto sa Santiago blvd lahos sa Magsaysay Avenue liko sa Roxas Street og muhunong sa oval plaza kung asa didto magsugod ang opening program sa gabie.
Giawhag ni Dr. Mimi Abiera ang festival director ang mga ‘Generals’ ingon man ang mga katawhan sa kasikbit nga lugar nga saksihan ang pormal nga pag-abli sa Kalilangaan.
Gisiguro niining malingaw ang manuroy unyang gabie tungod daghang mga programa ang giandam nga kabahin sa grand opening.
Gani, masaksihan ang nagkadaiyang performance sama sa pagsayaw og pagkanta kon asa ipakita ang kultura, og kasaysaysan sa tri-people sa GenSan ingon man konsepto sa ASEAN.
Alayun niini, kasado na ang hugot nga seguridad nga mas gipahutgan pa ning tuiga aron malikayn ang unsa mang bahad sa kaluwasan sa makisadya sa kasaulogan.
