Nagpabilin nga naka-heightened alert ang 73rd Infantry Battalion (IB) sa Philippine Army bisan pa man sa deklarasyon sa Communist Party of the Philippines-New People’s Army (CPP-NPA) sa usa ka temporaryong ceasefire sa panahon sa Kapaskuhan ug sa pagsugod sa bag-ong tuig.
Matud ni LTC. Julius Taniza, opisyal sa 73rd IB, ang mga sundalo nagpabilin nga alerto aron masiguro ang seguridad sa katawhan ug mapugngan ang bisan unsang hulga sa kalinaw sa komunidad.
Gipahimangnoan usab sa militar ang katawhan nga magmatngon sa bisan unsang kahimtang ug ipahibalo dayon sa lokal nga kapulisan o sa 73rd IB kung adunay makita nga dili maayong kalihokan.
Ang temporaryong ceasefire nga gideklara sa NPA nagsugod karong Kapaskuhan ug molungtad hangtod sa pagsugod sa bag-ong tuig, apan giingon sa Army nga ang pagpabilin nga alerto importante gihapon aron mapanalipdan ang katawhan.
