Nakasinati karon ang halapad nga pagbaha ug pagdahili sa yuta sa pipila ka mga lugar sa Southern China nga nakapatay sa 71 ka mga tawo.
Kini tungod usab sa pipila ka semana nga kusog nga ulan nga nasinati sa rehiyon sukad niadtong Hunyo 9 sa kasamtangang tuig.
Kalabot niini, ang National Meteorological Center of China nipagawas og rainstorm red alert nga maoy labing taas nga lebel sa ikaduhang sunodsunod nga adlaw ning adlawa nga molungtad hangtud ugma, Hunyo 27.
Ang pagtubag sa emerhensya gipakusog usab sa walo nga mga probinsya sa Southern China ug nagpakatag ug response team alang sa ‘flood control’ ug ‘disaster relief efforts’ human nga mibuswak na ang mga tubig gikan sa mga sapa ug giablihan ang floodgates sa pipila ka reservoir nga nagresulta sa pugsanong paghikling sa libuan ka mga residente.
Lakip sa nakasinati og grabeng pagbaha mao ang mga lugar sa Southwest China’s Sichuan Province, Chongqing Municipality sa Central China’s Hubei, Hunan Provinces ug East China’s Anhui, Jiangxi ug Zhejiang Provinces.
Sa mga probinsya sa Anhui, Jiangxi ug Hunan, ang gitas-on sa tubig baha miabot sa 500 millimeters samtang niabot sa 740 millimeters sa Changde city sa Hunan ug Huangshan city sa Anhui.
