Usa ka 68-anyos nga Lolo ug usa ka 34-anyos nga mahuyang ang lakip sa nakadawat og cash gift human kini misalmot sa libreng tuli campaign sa Lapu-lapu City.
Sa post sa Facebook account ni Lapu-lapu City Mayor Junard “Ahong” Chan nga matod pa nakadawat ang duha og cash gifts kung asa P20,000 para sa tigulang ug P10,000 sa mahuyang.
Nahisubay kini sa pasalig sa Mayor diin P10,000 ang ganti sa mga magpatuli nga nag-edad og 20-anyos pataas ug ganti nga P20,000 sa mga senior citizen.
Matod pa sa ubang mga nagpatuli nga bisan paman makabati og sakit atol sa pagpatuli apan makaayo kini sa ilang panglaws ug sa ilang personal genatalia hygiene.
Ang sunod nga libreng tuli campaign sa maong lugar gikatakda sa Mayo 30 sa samang venue sa Hoops Dome, Barangay Gun-ob ug sa Hunyo 3 sa isla sa Olango ipahigayon an libreng tuli. Target sa kagamhanan nga muabot sa liboan ang matuli nila.
