Gitaho sa police chief sa Iran nga si Ahmadreza Radan niadtong Domingo (oras sa Iran) nga ilang gidakop ang 500 ka mga tawo tungod sa giingong paghatag og impormasyon sa Israel samtang nagpadayon ang panagbangi sa rehiyon.
Sumala kang Radan, nga katunga niini nga mga kaso naglambigit sa mga seryosong insidente, sama sa mga tawo nga naghatag og mga lokasyon alang sa posibleng mga target, nagkuha og mga footage sa mga lugar sa air strike ug gipadala kini sa uban.
Wala gitino sa hepe sa pulisya sa Iran kung kanus-a gyud nahitabo ang mga pag-aresto.
Gikumpirma sa semi-opisyal nga Tasnim News Agency nga 20 ka mga tawo ang gidakop tungod sa giingong pagpadala og impormasyon sa Israel bahin sa mga asset sa militar ug seguridad sa Iran.
Sa Northeastern sa Iran, 10 ka tawo ang gidakop usab tungod sa giingong pagkuha og impormasyon bahin sa sensitibo nga lokasyon ug imprastraktura sa mga asset sa militar sa nasud, samtang sa probinsya sa Lorestan, tulo ka tawo ang gidakop tungod sa giingong pagpasiugda sa kagubot ug pagsunog sa mga mourning symbols..
Sumala sa usa ka sanga sa Revolutionary Guards’ intelligence, ang Israel ug ang U.S. giingon nga naggamit og “mercenaries at spies” aron hinungdan sa kagubot samtang nagpadayon ang away sa rehiyon.
Ang report nag-ingon usab nga ang Israel nagsugod na sa pag-target sa mga checkpoint sa seguridad base sa impormasyon gikan sa mga informant, isip usa ka bag-ong hugna sa mga operasyon niini sa Iran.
Niadtong Enero, mga semana sa wala pa ang mga pag-atake sa Amerika ug Israel, adunay kaylap nga mga protesta batok sa gobyerno sa Iran diin liboan ka mga tawo ang namatay sa kasaysayan sa Islamic Republic.
Niadtong panahona, giakusahan sa mga awtoridad ang Israel ug Estados Unidos nga giingong nagsugod sa mga kagubot aron mapukan ang clerical establishment sa nasud.
