GENSAN– Subling giawhag sa City Health Office(CHO) ang publiko nga musunod sa “4s” campaign sa gobyerno aron malikayan ang dengue.
Matod ni Dr. Lalaine Calonzo, Department head sa CHO Gensan nga lakip niini ang Search and destroy, Self-protection measures, Seek early consultant og Say no to indiscriminate fogging.
Gibutyag niini, sa karon wala pay tambal alang sa dengue busa maadyo nga limpyohan ang mga posibleng puwedeng pangitlogan sa mga lamok.
Sa datos sa CHO, mikunhod sa 23% ang kaso sa dengue sa dakbayan kung itandi sa miaging tuig.
Adunay 1,907 ka kaso sa dengue sa karon samtang niadtong miaging tuig naabot kini sa 2,492 ka kaso.
Sa pamahayag niini nga bunga sa epektibong pagpanguna ug implementasyon sa lain-laing estratehiya batok sa dengue ang pagkunhod sa dengue cases sa syudad.
