Dakpan sa kapulisan ang 4 ka indibidwal sa gipahigayong buy-bust operation sa Prk. 11 Brgy. Tinagacan, ning dakbayan sa Heneral Santos kagahapong adlawa, Pebrero 12 ning tuiga alas 12:50 sa kadlawon.
Ang maong joint operation ang gipangunahan sa RPDEU12 nga mao ang lead unit kauban ang RID12, PDEG12, PDEA12 Gensan ug Tinagacan Police Station.
Gikabutyag nga sa koordinasyon sa PDEA12, ang mga nasampit nga operatiba ang nag pahigayon ug anti-illegal drug buybust operation sa maong lugar nga nagresulta sa pagkasikop sa mga nahisgutang suspek nga giilang sila.
- Alyas Apple, usa ka High Value Individual, 32 anyos, jobless ug residente sa Sitio Toning, Brgy Lagao,Gen.Santos City; 2. Alyas Ronald, High Value Individual, 32 anyos, motorcycle mechanic ug residente sa Prk.1 Lanton, Brgy. Apopong, GSC; 3. Alyas Mark, HVI, 42 anyos, minyo, walay trabaho ug residente sa Prk.6 Lanton, Brgy Apopong, ning syudad ug alyas Cheche, HVI, 42 anyos, minyo, kapentero ug lumulopyo sa Prk.5 Lanton, Brgy Apopong, ning dakbayan.
Narekober sailang posession ang 7 ka sachet sa gitouhang shabu nga adunay gibug aton nga 30.5 grams ug duna usab estimated standard drug price nga P207,400.
Ang mga narekober nga mga ebidensya ang subject for forensic examination sa Regional forensic unit 12.
Samtang ang mga dinakpan ang temporaryong gikustodiya sa Police Station 8 alang sa dokumentasyon ug takdang pasakahan ug kasong violation of sec 5 and 11 sa RA 9165 o Comprehensive Dangerous Drugs Act of 2002.
