GENERAL SANTOS CITY – Nagpadayon sa karon ang pag-install sa mga traffic lights sa 33 ka mga intersection sa mga kadalanan sa dakbayan sa Heneral Santos.
Matud kang Atty. Jong Gonzales, labaw sa Public Safety Office ning syudad nagtinguha ang lokal nga panggamhanan nga makumpleto ang pagbutang niini kung asa target nga mahimong operational sa Marso sa sunod tuig 2024.
Samtang bahin sa gipaabot sa iyang opisina nga kalabot sa paspas nga transition sa kulay pula og green sa traffic signal sa bag-ong traffic lights sa Brgy Lagao, gipaklaro ni Atty. Gonzales nga ang tulo ka traffic lights sa maong lugar ang kinahanglang mag-synchronize aron hapsay ang dagan sa trapiko.
Samtang aduna usab naga-kwestyon kung nganong dili de-numero ang gi-acquire nga mga traffic lights.
Bahin niini, gibutyag ni Atty. Gonzales nga mas high tech og mas mahal ang traffic lights nga anaa sa mga kadalanan sa dakbayan karon kung asa ‘sensor driven’ kini og dili dali-dali nga maguba.
