GENERAL SANTOS CITY – Nagdangat si Atty. Rey Cartojano, inilang abogado sa dinhi sa dakbayan sa iyang mensahe sa pagtimbaya sa mga nakapasa sa 2016 Bar Exam kon asa manumpa unyang hapon.
Atul sa programang Programang Duralex Sedlex kon asa co-anchor ang nahisgutan, gibutyag niini nga usa ka rekord alang sa GEnSan nga halos 30 ka bag-ong abogado nga nakapasa gikan sa MSU Tambler og aduna pay anaa sa ubang lugar nigradwar og abogasya apan taga GenSan sa gikonsidera nga labing malisod nga ekaminasyon nga gipatigayon sa nasud.
Gibutyag ni Atty. Cartojano, usa ka sensitibong propesyon ang pagpractice isip abogado. Tambag pa niini sa mga passers nga ipatigbabaw ang hustisya sa matag kasong huptan.
Samtang may mensahe usab si Atty. Cartojano sa mga pakyas nga makapasa sa bar exam nga angayang maningkamot, mag focus og ihatag ang konsentrasyon sa pagreview alang sa sunod nga ekaminasyon.
Nasayran nga ang oathtaking ceremony ang ipahigayon sa SM Mall of Asia Arena bandang alas-3:00 sa hapon.
