GENERAL SANTOS CITY – Mukabat na sa 274 ang namatay sa mga shooting incident nga natigayon sa tibuok Region 12.
Kini natalang datos sa Police Regional Office 12 gikan sa bulan sa Enero hangtud Hulyo ning tuiga.
Ulahing nahimong biktima ang nagpangalan og Arnel Llama, 31 anyos sa Prk Pioneer Brgy Poblacion Santo Niño South Cotabato.
Ang nahisgutan ang gipusil sa riding in tandem. Gikabutyag nga sa tibuok SocSksargen, 387 ang natalang shooting incident kung asa sa maong ihap, anaa sa 274 biktima na ang namatay..
Pinakadaghang natala sa North Cotabato nga mukabat sa 159; ikaduha ang South Cotabto adunay 68; Sultan Kudarat -61 ang natalang shooting incident; Cotabato City – 39, sa GenSan mukabat sa 38 ang natigayong pagpamusil og 22 sa Sarangani.
Matud pa, 60 kaso pa ang naresolba sa PRO-12, 67 ang cleared nga buot pasabot nakapasaka na og kaso ang kapulisan apan at-large ang suspek og 260 ang gikonsiderang homicide under investigation
