Niigo ang duha ka kusog nga aftershocks sa Afghanistan sa miaging 12 ka oras.
Human kini sa kusog nga 6.0 magnitude nga linog nga mitay-og sa nasud sa miaging upat ka adlaw, nga nakapatay sa 2,205 ka tao ug nakaangol sa 3,640, sumala sa gobyerno sa Taliban kaniadtong Huwebes.
Posible nga motaas pa ang ihap sa nangamatay ug naangol human sa kusog nga aftershocks.
Sumala pa nga ang mga aftershocks nagpadayon sa pag-igo sa probinsya sa Nangarhar ug ang mga detalye sa kadaot nga gipahinabo sa kusog nga aftershocks padayon pa nga gitino.
Sa sayo pa, usa ka aftershock nga may sukod nga 5.4 sa Richter scale ang miigo sa habagatan-sidlakan kaniadtong Biyernes sa gilawmon nga 10 km o 6.2 ka milya, matod sa German Research Center for Geosciences (GFZ) human sa laing pag-igo kaniadtong Huwebes sa gabii.
Gipasidan-an sa United Nations ug uban pang mga ahensya ang usa ka kritikal nga panginahanglan alang sa mga pondo, pagkaon, mga suplay sa medisina ug puy-anan alang sa mga naluwas sa linog.
Ang World Health Organization (WHO) naghangyo alang sa $4 milyon nga pondo alang sa mga biktima sa linog sa Afghanistan.
