Kasamtangang balhog karun sa Tambler Police Station ang duha ka indibidwal lakip ang mga nakumpiska nga smuggled nga sigarilyo ug sakyanan nga gigamit niini.
Samtang takdang ipasaka ang kasong violation of RA 10863 o Customs Modernization and Tariff Act.
Giila ang mga nadakpan nga silang alyas Sahidi, driver sa close van, 32 anyos, minyo ug alyas Aldovar, 31 anyos, laborer nga parehong residente sa Vista Village, Polomolok, South Cotabato.
Kahinumduman nga kagahapong adlawa, Setyembre 1 alas 3 sa kadlawon nagpahigayon ug checkpoints ang joint personnel sa City Mobile Force Company, Task Force Gensan, RID -12 Tracker Team ug personahe sa Police Station 5 sa Purok Cabu, Brgy. Bawing, ning syudad.
Naharang nila ang maong sakyanan ug nakita ang mga karga niini nga mga smuggled cigarettes ug walay mga dokumento nga napakita sa mga otoridad.
Nakumpiska sailang posisyon ang 130 ka karton sa Cannon Brand Cigarrettes ang matag box ang adunay sulod nga 50 ka rims, nga adunay total of 6500 rims nga sumala pa sa Bureau of Customs aduna kini market value nga P192,000 ug ang usa ka unit sa Foton Tornado color white w/ plate Nr JAT 7372.
Sa kinatibuk-ang mga nakumpiska nga ebidensya ang nagkantidad ug P2, 600, 000.
Nakatakda na usab nga i-turn over kini sa Bureau of Customs alang sa tukmang disposisyon.
