GENERAL SANTOS CITY – Nakabalik na sa ilang trabaho ang 19 ka mga pulis nga sakop sa Polomolok Muncipal Police Station samtang nabalik na usab sa ilang selda ang mga priso nga natakdan sa coronavirus disease.
Matud ni Polomolok Vice Mayor Xavier Bayan nga nahuman na ang 14 ka adlaw nga isolation sa mga nahisgutan.
Gikadugang ni Vice Mayor Bayan nga gimonitor gihapon ang kahimtang sa mga nahisgutan sa mga personahe sa Municipal Health Office aron masiguro ang ilang kahimtang.
Kahinumduman nga gilayon nga gihikling ang mga sakop sa personnel division human nagpakita ug timailhan sa coronavirus disease .
Kini human gibutyag kaniadto sa nahisgutang opisyal nga nag-inum ang mga nahisgutan mao nga natakdan sa COVID 19.
Samtang gibutyag usab niini nga wala ginatugtan ang pagpahigayon ug unsa mang panagtigum niining umaabut nga pasko.
Klaro matud pa ang direktiba sa ilang Mayor kabahin niini aron dili managhan ang kaso sa Covid 19 sa lugar.
