GENERAL SANTOS CITY – Posibleng madala pabalik sa Acmonan, Tupi South Cotabato ang usa ka ten wheeler truck nga triple decker nga adunay karga nga mga patay nga baboy human nga nawad-an ug preno.
Matud ni Lt. Jose Tabucon, Deputy Chief sa Malungon Municipal Police Station nga nangayo ug certification gikan sa Malungon Municipal Health Office ang representante sa piggery alang sa pagbiyahe sa sakyanan nga nagkarga sa mga patay nga baboy.
Kini human gikumpirma ni Tabucon nga nakasinati ug self accident sa National Highway sa Banahaw, Malungon ang maong truck nga may karga nga 140 ka baboy.
Mitakilid matud pa ang sakyanan hinungdan nga nangadasok ang mga baboy hinungdan sa pagkamatay sa 114 ka buok.
Matud sa opisyal nga plano matud pa nga didto na lamang sa Tupi ipalubong ang nahisgutang mga baboy.
