GENERAL SANTOS CITY – Mukabat sa usa ka gatus ka punu-an sa marijuana ang gipang ibut sa kapulisan sa Tampakan nga nadeskubre atul sa pagpahigayon ug clearing operation human nahitabo ang engkwentro tali sa mga sundalo ug bandido nga naglihok sa maong lugar.
Ang naasoy nga plantasyon sa marijuana ang nakita sa kabukirang bahin Danlag sa tampakan South Cotabato nga utlanan bahin sa sitio Lapia, Barangay Kiblawan Davao del Sur .
Gituhu-an nga iya sa mga bandido ang marijuana plantation nga duol lamang sa nahitabu-an sa lima ka minutos nga encounter.
Kahinumduman nga nagtagbo ang grupo sa mga bandidu ug mga otoridad hinungdan sa pag-atras sa mga armadong grupo.
Atol sa clearing operation, narekober sa otoridad ang usa ka shot gun, duha ka military uniform ug mga dokumento.
Didto na usab nakaplagan ang marijuana plantation nga gituohang iyaha sa mga bandidong nakaengkwentro sa mga sundalo.
