GENERAL SANTOS CITY – Walay angayang kabalak-an sa pagkapasa sa National ID System, human gipirmahan ni Pangulong Rodrigo Duterte kagahapong adlawa.
Kini ang gibutyag ni City Councilor Edmar Yumang sa pakighinabi sa Bombo Radyo, kung asa gatuo matud pa siya nga dili kini makaapekto sa privacy sa usa ka tawo.
Matud pa nga kung susama sa mga kasamtangang ID ang mga impormasyon nga nakabutang walay angayang kabalak-an.
Gawas niini, kung usa na lang ka ID, dili na hasol ang pagdala-dala ug daghang ID, ug menos gastos usab sa katawhan.
Apan gisugyot ni Kag. Yumang nga angayang i-renew ang ID matag tulo ka tuig hilabi na gumikan gausab-usab ang dagway sa usa ka tawo.
Kahibaluan nga atul sa iyang pagpamulong human gipirmahan ang bag-ong balaod, gihingusgan ni Pangulong Duterte ang naasoy’ng ID ang makatabang sa kampanya batok sa kalisod, korupsyon, krimen, apil na sa terorismo ug violent extremism.
