Mahimong mag-atubang og daghang kasong kriminal si Bise Presidente Sara Duterte gawas sa reklamong disbarment kalabot sa iyang hulga sa kinabuhi ni Presidente Ferdinand Marcos Jr. ug First Lady Araneta-Marcos ug House Speaker Martin Romualdez.
Matod ni Justice Secretary Margarita Gutierrez, base sa ilang mga legal expert, mahimong mapasakaan og kasong libel, defamation ug grave threats ang Bise Presidente tungod sa iyang mga hulga.
Matod niya nga gitun-an na niya karon ang pagpasaka og disbarment batok sa Ikaduhang Presidente nga usa ka abogado tungod matod niya ang iyang mga hulga makonsidera nga unethical.
Gipasalig sa opisyal sa DOJ nga dakpon dayon ang mamumuno kung mailhan na kini sa mga imbestigador.
Kalabot niini, matod niya ang DOJ mimando sa NBI nga gamiton ang tanang available resources sa pag-ila sa posibleng mga suspek sa assassination plot nga gipahibalo ni VP Sara.
Kahinumduman nga si VP Sara unang niingon sa usa ka press conference nga nihatag kuno siya og instruksiyon sa usa ka indibiduwal nga patyon ang Presidente, Unang Ginang ug House Speaker sa higayon nga mamatay kini.
