Subling nagpadungog-dungog si Vice President Sara Duterte nga ang mga lider sa nasud dili kinahanglan nga madasig sa kwarta, cocaine o champagne.
“Leaders should not be motivated by cash, cocaine or champagne. And, most certainly, leaders shoud not be made to hold champagne glasses”
Usa lamang kini sa padungog-dungog sa Bise Presidente sa iyang gipagawas nga statement adlaw nga Biyernes, August 9.
Bisag walay gipanganlan ang Bise Presidente, kahinumduman nga nahimong kontrobersiyal kaniadto ang pagkuha ni First Lady Liza Araneta-Marcos sa wine glass ni Senate President Francis Escudero og miinom sa gipahigayon nga Vin d’Honneur sa Malacañang alang sa Independence Day.
Ingon man, makapila ka higayon na nga gilambigit ang pangalan ni Pangulong Ferdinand Marcos Jr. nga gagamitan matod pa og ilegal nga droga kung asa pinakaulahi mao ang gipagawas sa grupo sa mga supporter ni kanhi Pangulong Rodrigo Duterte nga Maisug sa ilang rally sa Los Angeles nga peke nga viral video ni PBBM nga mihithit og ilegal nga droga nga gidungan sa ikatulong SONA sa presidente.
Gawas niini, nagpadungog-dungog usab si VP Sara kabahin sa isyu sa baha sa nasud.
Gihimong ehemplo pa sa bise presidente nga duha ka higayun siya nga nakasinati og baha sa mismong balay sa iyang mga ginikanan sa Davao City kung asa naguba ang ilang mga gamit.
Nasinatian usab niya nga maglakaw sa tubig-baha nga kutob sa dughan ug milangoy na lamang.
Niadtong mayor usab siya, adunay namatay nga 30 katawo tungod sa baha nga hangtod sa karon sakit gihapon sa iyang buot ang nahitabo.
Hinungdan nga ginagamit matod pa sa Bise Presidente ang iyang posisyon, resources og platform aron mahimong tingog sa katawhang Pilipino nga nabiyaan ug aron ipakita sa mga opisyal sa gobyerno kung paunsa mag-command.
Gibutyag usab ni VP Sara ang nahimo sa administrasyon sa iyang amahan nga si kanhi Pangulong Rodrigo Duterte sa pagplano sa pagbaha nga nasugdan kaniadtong September 2016 og ang Master Plan and Feasibility Study alang sa Flood Control and Drainage alang sa Davao city nga namantaala kaniadtong July 2023.
Padungog-dungog sa Bise President basin gusto na nga pondohan ang mga infrastructure projects nga nahisubay sa maong masterplan o basin adunay pagduhaduha matud pa tungod Duterte ang nagpungko nga mayor og mas gustuhon nga gub-on na lang.
Kahinumduman nga pipila ka nasud lakip na ang Metro Manila og Calabarzon ang grabeng gibahaan sa paghapak sa nangaging bagyong Carina og Habagat nga gikonekta sa wala nahuman nga flood control og drainage projects.
Una ng giangkon sa DPWH nga nagkulang gihapon ang nasud sa flood-control master plan bisan sa bilyon ka pesos nga gigahin alang sa flood control programs.
Apan, sa ikatulong SONA ni Pangulong Ferdinand Marcos Jr. iyang gibida nga anaa sa kapin 5,000 flood control projects na ang natapos ilawom sa iyang administrasyon.
