VP Sara Duterte, giklaro nga wala siya gibasol ni FPRRD nganong kini napriso og bisan ang pakigtandem niya kay PBBM niadtong 2022 elections

Giklaro ni Vice President Sara Duterte nga wala siya gibasol sa iyang amahan nga si kanhi Pangulong Rodrigo Roa Duterte kabahin sa pagkaaresto sa kanhi pangulo pati ang pakig-tandem niya kang Pangulong Bongbong Marcos Jr. niadtong 2022 national elections.

Matud ni VP Sara, ginapasagdan lang sila sa ilang amahan nga magdesisyon para sa ilang kaugalingon o muhimo sa ilang kaugalingong kasaysayan.

Subli usab nga gihingusgan ni VP Sara nga bisan nahadlok siya sa seguridad sa iyang amahan nga makabalik sa Pilipinas, wala gihapon siyay mabuhat tungod gusto ni FPRRD nga muoli kugn kini makagawas na gikan sa detention facility sa International Criminal Court (ICC).