Gidala na si Senador Jinggoy Estrada sa New Quezon City Male Dormitory Jail human sa boluntaryong pag-surrender.
Lampas alas 8 sa gabii niadtong Lunes, Hunyo 1, sa dihang miabot ang Senador sa Quezon City Jail sa Payatas, Quezon City.
Mahinumduman nga ang Senador boluntaryong misurender pipila ka oras human gi-isyu sa Sandiganbayan Fifth Division ang iyang warrant of arrest tungod sa kasong plunder.
Gipakuhaan siya og fingerprints ug mugshots sa head office sa Criminal Investigation and Detection Group (CIDG) sa Camp Crame.
Human niini, gibalik sa CIDG ang Senador sa Sandiganbayan alang sa return-of-warrant diin nakahukom sila nga i-detain ang Senador sa Quezon City Jail.
Mahinumduman nga kagahapong adlawa gi-isyu ang warrant of arrest sa Sandiganbayan batok kang Estrada ug kanhi Department of Public Works and Highways (DPWH) Secretary Manuel Bonoan tungod sa kasong plunder nga naggikan sa mga anomaliya sa mga flood control projects
