-- ADVERTISEMENT --
Wala na maghunahuna ang beteranong aktres ug Batangas Governor Vilma Santos, nga mahatagan pa og National Artist Award.
Matud niya, iya nang itugyan sa kapalaran ang maong pag-ila, ug kon alang gyud kini kaniya, matud pa niya, dugay na unta siyang napili isip National Artist.
Bisan pa man kon dili siya mahatagan sa maong dungog, giingon ni Santos nga ipadayon gihapon niya ang iyang kinabuhi ug ang iyang pagserbisyo sa publiko.
Gibutyag usab niya nga adunay siyay mga plano alang sa iyang comeback film, nga iyang gilauman nga mahuman ug mapasalida sa umaabot nga mga tuig.
