Nagpasidaan ang mga health experts ug policy advocates nga ang pagdili sa vaping ug uban pang smoke-free nicotine alternatives sa Southeast Asia nagdala og dili gustong epekto.
Sa Thailand, Singapore, Vietnam, ug Cambodia, bisan pa sa hugot nga balaod, nagpadayon ang illegal vape markets, ug nagpakita kini nga ang outright bans mahimong makapugong sa mga smoker nga mo-shift sa lower-risk alternatives ug makapamenos sa kita sa gobyerno gikan sa buwis.
Giingon sa mga eksperto nga ang taas nga buwis ug total ban naghatag sa publiko og impresyon nga kasing delikado sa sigarilyo ang vaping, hinungdan nga daghan nagpabilin sa tradisyonal nga panigarilyo.
Ang datos sa WHO nagpakita nga miabot sa 1.25 billion ang global tobacco users sa 2022, ug ang mga bans sa Asia dili pa gyud nakaresulta sa dakong pagkunhod sa panigarilyo.
Pinaagi sa pagtan-aw sa eksperyensya sa New Zealand, diin regulated ang adult vaping, nakit-an ang mas paspas nga pagkunhod sa daily smoking kumpara sa Australia nga mas istrikto ang restriction.
Giingon sa mga eksperto nga ang regulated access sa low-risk products makatabang sa mas epektibong smoking cessation ug makapakunhod sa illegal markets.
