GENERAL SANTOS CITY – Usa patay usa angol sa natigayong pagpamusil sa Area of responsibility sa Polomolok South Cotabato kagabie.
Ang namatay ang nailhan sa pangalan nga si Arthur King Atagalo, 35 anyos nga taga Prk 5 Brgy. Glamang Polomolok.
Samtang angol ang kauban niini nga si Rembran Claver, 23 anyos nga taga Prk 2 Glamang.
Sa inisyal nga imbestigasyon natigayon ang insidente bandang alas 7:00 kagabie dihang pauli na ang mga biktima sa ilang panimalay gikan sa pagpamista sa Glamang.
Ang mga biktima ang sakay sa motorsiklo kauban ang lain pang upat ka motor, apan gitaparan sa usa pa ka motor nga adunay duha ka sakay ug gipusil.
Duha ka samad pinusilan sa likod ang naangkon ni Atagalo nga hinungdan nga dead on arrival sa ospital samtang ang kauban nga si Claver ang naigo sa dughan, bukton, og likod hinungdan nga nagpabilin karon sa tambalanan.
Sa karon nagpadayon ang gihimong imbestigasyon sa kapulisan aron masayran ang motibo og ilhanan sa mga suspek.
Wala pa masuta kung unsa matang sa armas ang gigamit sa pagtiro sa mga biktima.
