Gatuo si Atty. Luis Salazar nga usa ka dakong hisgutanan kung pwede pa makasuhan ang senado og obstruction of justice gumikan sa ilang pagprotekta kang Sen. Ronald dela Rosa nga may arrest warrant gikan sa International Criminal Court.
Kini gumikan may kwestyon sa kampo sa senador sa legalidad sa maong warrant.
Gumikan sa mga nahitabo ning higayona angayang paspasan unta sa korte suprema nga magpagawas og desisyon sa apila ni dela Rosa aron matuldukan ang mga isyu.
Daghang mga interpretasyon kung asa nalibog og nagubot na ang huna-huna sa katawhan kung unsa gayud ang tinood nga estorya.
Kahibaluan nga sa miaging Miyerkules sa gabii nagmando ang korte suprema sa nagkadaiyang mga ahensya sa gobyerno nga tubagon sulod sa 72 oras ang petesyon ni dela Rosa.
