Usa ka mananagat nga nahulog sa bangka nakit-an na lang nga gautaw-utaw sa dagat

GENERAL SANTOS CITY – Nakit-an na ang mananagat nga gikaingong nahulog sa bangka.

Kini human may mitaho sa Maritime Police Station kalabutan sa kalit paglutaw sa usa ka patay nga lawas sa Gumasa, Glan Sarangani.

Sa pagresponde kuyog sa Philippine Coast Guard ug Municipal Police Station giila ang biktima nga si Manuel Florez 52 anyos ulitawo nga residente sa Ladol. Alabel Sarangani.

Human makaabut sa baybay ang patay nga lawas dayon nga gidala sa usa ka punerarya aron ipailawom sa autopsy.

Basi sa impormasyon nga nahulog pa sa iyang bangka ang nahisgutang mananagat.