Nahimong emosyonal si US President Joe Biden sa gihimong eulogy niya sa haya ni kanhi pangulong Jimmy Carter.
Sa gipahigayong state funeral sa mipanaw nga kanhi Pangulo sa US sa edad nga 100 , gitambongan kini sa mga tag-as nga opisyal og mga kanhi Pangulo nga silang Biden, Donald Trump, Barack Obama, Bill Clinton og George Bush.
Sa pagpamulong ni Biden nga hilabihan kining nasubo tungod dili niya makalimtan ang tugon kaniya ni Carter.
Niadtong buhi pa, nagkita sila ug misulti kaniya si Carter nga angayang siya ang maghatag ug Eulogy.
Bugtong mga apo lamang ni Carter ang nag-istorya samtang nagtan-aw lamang ang upat ka anak niini.
Saysay ni Biden nga nahimong managhigala sila ni Carter niadtong 1974 dihang parehas silang senador sa US kung asa siya ang unang nag-endorso kang Carter nga mudagan sa pagkapresidente sa Amerika.
Human ang gihimong state funeral gibalik ang patayng lawas ni Carter sa Georgia aron didto ilubong katupad sa mipanaw nga asawa.
