Nagatuo ang United Nations nga ang bisan unsang resulta sa 2024 US Presidential Elections adunay global nga epekto.
Kini ang tubag sa tigpamaba sa UN nga si Stephane Dujarric, human siya gipangutana bahin sa posisyon ni UN Secretary-General Antonio Guterres sa US Elex.
Bisan pa nga wala lugwayan ni Dujarric ang katin-awan, gipunting niini ang pahayag ni Gutterres sa miaging UN General Assembly diin giingon niya nga katunga sa populasyon sa kalibutan ang mobotar karong tuiga, ug ang tanan maapektuhan sa ingon nga boto.
Ang maong pamahayag nagtumong sa pagbotar sa halos 4 bilyones ka mga botante karong tuiga sa kapin sa 50 ka mga nasod, apil ang US base sa 2022 census aduna kini 161.42 milyones ka mga botante.
Karong adlawa (Nob. 5) gikatakdang mobotar ang mga botante sa US alang sa ilang sunod nga presidente ug bise presidente.
Magpili usab sila sa ilang representante sa Kongreso, gobernador sa estado, ug mga opisyal sa lokal nga gobyerno.
