4 ka magkapamilya, patay sa sunog sa Quezon City

Patay ang upat ka tawo human sa nahitabong sunog sa usa ka condominium apartment sa Barangay Toro, Quezon City.

Ang mga biktima magpamilya, diin duha kanila mga senior citizen, usa ka menor de edad, ug ang inahan niini.

Naangol usab sa insidente ang usa ka tawo nga gilayon nga gidala sa ospital.

Base sa inisyal nga imbestigasyon sa Bureau of Fire Protection o BFP, nagsugod ang sunog human mabilin nga naka-charge ang usa ka electric scooter ug na-overcharge kini.

Dali nga mikaylap ang kalayo sa unang andana sa building, hinungdan nga wala na dayon makagawas ang mga biktima.