Russia, nagpakawala og emergency flares ngadto sa helicopter sa Denmark sa Baltic Sea

Gipasanginlan sa Denmark ang usa ka barko sa Russia nga nagpabuto og duha ka emergency flares ngadto sa direksyon sa ilang mga helicopter.

Nahitabo ang insidente samtang gisundan sa mga helicopter ang maong barko sa Russia sa Baltic Sea.

Tungod sa insidente, gipatawag sa gobyerno sa Denmark ang Russian ambassador ug gihulagway ang nahitabo nga kabahin sa usa ka “routine” monitoring operation.

Matud ni Prime Minister Mette Frederiksen, makapabalaka ang maong gibuhat sa Russia ug posibleng tumong niini nga manghulga ug magpahinabog panagbangi.

Samtang, mipasalig ang Russia nga ilang imbestigahan ang maong insidente.