GENERAL SANTOS CITY – Gikumpirma ni Dr. Jett Oco, labaw sa City Health Office (CHO) nga wala na nagrenew ang ubang mga nurse nga gi-hire sa syudad aron mutabang sa kampanya batok sa COVID 19.
Matud pa ni Dr. Oco nga gumikan niini kulang ang ilang mga personahe sa pagtutok sa nagkadaiyang serbisyong medical.
Gikadugang pa ni Dr. Oco nga mihangyo ang iyang buhatan nga subli nga maghire og mga nurses.
Sa pamahayag pa niini nga nagmando si Mayor Ronnel Rivera nga ihatag ang mga listahan kung pila ka mga doktor, nurses, midwives og laing medical personnel ang kinahanglanon.
Samtang gusto ni Kag. Jun Lagare nga angayang i-fill up ang tanang bakanteng posisyon sa CHO gumikan kinahanglanon ning higayona panahon sa pandemnya.
Angayang regular nga empleyado ang i-hire og dili job order workers gumikan gamay ang suweldo kada bulan.
Gibutyag nga base sa Bayanihan Act ang mga nasampit makadawat og P30,000 kada bulan nga suweldo gawas pa sa hazardd pay og laing insintibo.
