Mukabat na ngadto sa tulo ka mga indibidwal ang kompirmadong nangamatay tungod sa grabeng epekto sa panahon sa nasod tungod sa bag-ohay nga mga bagyong Crising, Dante, ug Emong.
Kini gikan sa kinatibuk-ang 25 nga gitaho nga namatay, diin 22 niini ang padayon pa nga giberipika sa ahensya.
Base sa datus sa NDRRMC, gikan kini sa mga lugar sa Central Luzon, Northern Mindanao, ug bisan sa CARAGA.
Kalabot sa weather disturbances, moabot ngadto sa walo ka mga tao ang gikatahong missing samtang walo usab ang natala nga naangol.
Sa pagkakaron, kapin sa usa ka milyon ka pamilya o itandi sa kapin 3.8 milyon ka indibidwal ang natala nga apektado sa grabeng panahon gikan sa 17 ka rehiyon sa Pilipinas.
Kapin sa 47,000 ka pamilya o 167,000 ka indibidwal ang kasamtangang nagpabilin sa mga evacuation centers sa nasod.
