Nagtapos sa usa ka trahedya ang unta malipayong pagligo sa ulan sa tulo ka bata sa Pulilan, Bulacan dihang sila naigo sa kilat ug pulos nakabsan sa kinabuhi.
Giila ang mga biktima nga mao silang Rexter Enriquez, 16, Roxanne Enriquez, 12, ug April dela Cruz, 11.
Gibutyag nga mag-ig-agaw ang nahisgutang mga biktima.
Sumala sa usa pa nila ka ig-agaw, nagadula sila ug bola dihang kalit lang mikilat ug paglingi niii, wala nay panimuot ang iyang mga kauban.
Daling gidala sa ospital ang mga bata apan wala gyud natabangan ug nakabsan sa ilang kinabuhi.
Sumala sa state weather bureau nga Philippine Atmospheric, Geophysical and Astronomical Services Administration, posible nga “ground current” sa kilat ang miigo sa mag-ig-agaw.
Kahibaluan nga kusog ang pagbundak sa ulan sa Bulacan ug dagdan nga parte sa Pilipinas sa nakalabay lamang nga adlaw nga dala na sa habagat sumala pa sa PAGASA.
Photo: Eric Apostol Suarez
